Осиё тараққиёт банки Ўзбекистонда фотоэлектр станцияси қурилиши лойиҳасини қўллаб-қувватлайди

10:57 19 Август 2019 Жамият
80 0

Иллюстратив фото

Яқинда Энергетика вазирлигида ОТБ билан давлат-хусусий шерикчилиги (ДХШ) шартлари асосида умумий қуввати 1000 МВт гача бўлган ҳамда тахминий лойиҳа қиймати 800 млн. АҚШ долларига тенг бир қатор фотоэлектр станцияларини қуриш бўйича маслаҳат хизматларини кўрсатишга доир битим имзоланди. Камида 100 МВт қувватли фотоэлектр станциясини қуриш бўйича биринчи синов лойиҳасини амалга ошириш жойи сифатида (ушбу битимга кўра) Сурхондарё вилоятининг Шеробод тумани танланган. Бу ҳақда Энергетика вазирлиги хабар берди.

ОТБ ушбу битимга мувофиқ, маслаҳатчи сифатида иш юритади, лойиҳанинг концепцияси, молиявий модели, лойиҳавий-баҳолаш ҳужжати (ТЭО), электр энергияни харид қилиш тўғрисидаги битим(RFQ) тайёрланишини ташкиллаштиради ҳамда энергетика соҳасидаги етакчи мутахассисларни жалб этган ҳолда халқаро тендерни ўтказади. 

Ушбу лойиҳа Энергетика вазирлиги томонидан ОТБ, Инвестициялар ва ташқи савдо вазирлиги, ДХШ ривожлантириш агентлиги кўмагида ва мувофиқлаштирилиши ёрдамида амалга оширилади. Лойиҳа амалга оширилишининг бошланиши 2021 йилга мўлжалланмоқда.

Сурхондарё вилоятида фотоэлектр станциясини қуриш тўғрисидаги битим шу йилнинг 18 июлида энергетика секторини ислоҳ қилиш бўйича ўтказилган давра суҳбати давомида имзоланган эди. Ушбу учрашувда халқаро ташкилотлар ва йирик хорижий компанияларнинг 150 нафардан зиёд вакиллари иштирок этди. Давра суҳбати давомида таъкидландики, инвестицияларнинг энг йирик ҳажми янги ишлаб чиқариш қувватларини барпо этиш учун зарур. Режага кўра, умумий қуввати 15 ГВт.га тенг янги электр станцияларнинг мўлжалланаётган ҳажми 17,3 млрд. долларга тенг тўғридан-тўғри инвестициялар ҳисобига барпо этилади. 

Шуни таъкидлаш керакки, ҳозирги пайтда Навоий вилоятида Халқаро молиявий корпорация (ХМК) томонидан амалга оширилаётган қуввати 100 МВт.га тенг бўлган қуёш фотоэлектр станциясини қуриш бўйича лойиҳа юзасидан тендер таомиллари муваффақиятли ўтказилмоқда. 25 дан зиёд етакчи хорижий компаниялар тендерда иштирок этишга қизиқиш билдирди. Тендер ғолиби билан жорий йилнинг охирида ДХШ тўғрисида битим тузилиши мўлжалланмоқда.

ХМК нинг тендер таомилларини ўтказиш учун зарур ҳужжатларни тайёрлаш бўйича тажрибага эга эканлигини ҳисобга олган ҳолда, бошланғич босқичда корпорация томонидан йирик энергетик лойиҳалар амалга оширилишини фаол қўллаб-қувватлаши зарурияти сезилмоқда. 

2030 йилгача ДХШ бўйича қатор йирик лойиҳалар амалга оширилиши режалаштирилган. Бунда уларнинг асосий қисми қайта тикланадиган энергия манбалари (ҚЭМ) га тўғри келади. Шу жумладан, республиканинг бир нечта ҳудудида қуввати 5 ГВт. гача бўлган фотоэлектр станциялари ва қуввати 1,7 ГВт. га тенг шамол электр станциялари, шунингдек, Сирдарё вилоятида қуввати 2,6 ГВт. га тенг иссиқлик электр станциялари қурилиши бўйича лойиҳа амалга оширилиши режалаштирилган.

Санаб ўтилган лойиҳаларни тайёрлаш ва амалга оширишга сарфланадиган харажатларнинг асосий қисми ХМК томонидан, шу билан бирга, бюджет ҳисобидан тўланадиган харажатларнинг бир қисми тендер ғолиби томонидан қопланади. 

Таъкидлаш керакки, Ўзбекистон Республикаси Президентининг 2019 йил 27 мартдаги қарори билан белгиланган энергетика соҳасини ислоҳ қилиш бўйича вазифалардан келиб чиқиб, халқаро молия институтлари (ХМИ) уларни, айниқса, хусусий инвестицияларни жалб қилиш орқали, шу жумладан, ХДШ механизми воситасида амалга оширишда техник ва молиявий ёрдам кўрсатмоқда.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019