Осиё ўйинларини футболчиларимиз бошлаб беришади

15:04 26 Июль 2018 Спорт
532 0
Фото: МОҚ

Яна бир неча кундан сўнг Жакартада Осиё ўйинлари старт олади. Турган гапки, спорт турлари ичида, айниқса, футбол бўйича баҳсларга қизиқиш юқори даражада бўлади.

Олдинроқ ушбу нуфузли мусобақада иштирок этадиган футболчиларимиз рўйхатини эълон қилган эдик. Терма жамоамиз мусобақада “B” гуруҳидан жой олган. Гуруҳ босқичида Равшан Ҳайдаров шогирдларига Таиланд, Бангладеш ва Қатар терма жамоалари рақиб бўлади.

Осиё ўйинлари ташкилий қўмитаси (INASGOC) бугун футбол бўйича гуруҳ босқичи учрашувлари тақвимини маълум қилди. Унга кўра, Ўзбекистон терма жамоаси 14 август куни биринчи тур доирасида Бангладеш терма жамоасига қарши майдонга тушади.

Эътиборингизга терма жамоамизнинг гуруҳ босқичидаги учрашувлари санаси ва вақтини маълум қиламиз:

14 август, 1-тур:
Ўзбекистон – Бангладеш
Жакарта. “Пакансари” стадиони
Бошланиш вақти: 14:00

16 август, 2-тур:
Қатар – Ўзбекистон
Жакарта. “Пакансари” стадиони
Бошланиш вақти: 17:00

19 август, 3-тур:
Таиланд – Ўзбекистон
Жакарта. “Пакансари” стадиони
Бошланиш вақти: 17:00

Изоҳ: Ўйинлар бошланиши Тошкент вақти билан кўрсатилган

Эслатиб ўтамиз, XVIII Осиё ўйинларининг тантанали очилиш маросими Жакартадаги “Gelora Bung Karno Stadium”да 18 август куни маҳаллий вақт билан 18:08(Тошкент вақти билан – 16:08) да бошланади.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019