Индонезиянинг Жакарта ва Палембанг шаҳарларида XVIII ёзги Осиё ўйинлари давом этмоқда. Таэквондо баҳсларида иштирокини бошлаган вакилларимиз иккита медалга сазовор бўлишди.

-67 кг вазн тоифасида қизлар ўртасида мусобақада иштирок этган Нигора Турсунқулова ярим финалга қадар етиб бориб, финал йўлланмаси учун кореялик Ким Жандига қарши жанг олиб борди ва 4:14 ҳисобида мағлуб бўлди ва бронза медали билан кифояланди.

Эркаклар ўртасида -58 кг вазн тоифасида Ниёз Пўлатов ярим финалда эронлик Ашур Зода Фарзонни ҳам мағлуб этиб, финал йўлланмасига эга чиққанди. Ниёз финалда жанубий кореялик рақибига Ким Тэ Ҳунга мағлуб бўлиб кумуш медалини қўлга киритди.

Айни вақтда Ўзбекистон терма жамоасининг мусобақада қўлга киритган медаллари сони 6тага етди. 1та олтин, 2та кумуш, 3та бронза. Медаллар жамғариш бўйича терма жамоалар рейтингида Ўзбекистон терма жамоаси 8-ўриндан жой олган.