Осиё ўйинлари. Ўзбекистон делегацияси яна бир кумуш медалга эга бўлди

15:47 28 Август 2018 Спорт
731 0
Фото: MOҚ

Индонезиянинг Жакарта ва Палембанг шаҳарларида давом этаётган Осиё ўйинларининг бадиий гимнастика баҳсларида Ўзбекистон терма жамоаси ҳисобига навбатдаги кумуш медаль ёзиб қўйилди.

Бадиий гимнастика бўйича яккалик баҳсларида қатнашган Сабина Тошкенбоева 4 та чиқиши орқали 65.850 балл тўплаб, Осиё ўйинлари кумуш медалига сазовор бўлди. Биринчи ўрин эса қозоғистонлик Алина Адилхоновага насиб этди. У умумий 66.800 натижа билан олтин медалга эга чиқди. Яна бир ўзбекистонлик спортчи Нуринисо Усмонова эса 65.400 кўрсаткич билан якуний жадвалнинг 4-поғонасидан ўрин олди.

Мазкур натижа Ўзбекистон делегацияси ҳисобидаги медаллар сони 32 тага етишига сабаб бўлди. 6та олтин, 14та кумуш, 12та эса бронза медалларини қўлга киритган Ўзбекистон умумий рейтингда 11-ўриндан жой олиб турибди.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019