Осиё ўйинларининг каратэ мусобақасида -60 кг вазн тоифасида жанг қилган ўзбекистонлик Садриддин Сайматов терма жамоа ҳисобига навбатдаги медални тақдим этди.

21 ёшли Сайматов нимчорак финалда қозоғистонлик Дархон Ассадилов устидан 8:0, чорак финалда саудиялик Султон Жамал Алзаҳронийни 3:1 ҳисобида мағлуб этиб ярим финалга чиққанди. Аммо ярим финалда у эронлик 28 ёшли Амир Маҳдизодага 6:7 ҳисобида ютқазиб қўйганди. 

Сайматов учинчи ўрин учун бўлиб утган тўқнашувда вьетнамлик Ҳаи Нгуэн устидан йирик 8:1 ҳисоби билан ғалабага эришди ва бронза медалига эга чиқди. 

Натижада Ўзбекистон терма жамоасининг Осиё ўйинларидаги медаллари сони 24тага етди. 5 олтин, 10 кумуш ва 9та бронза медалларига эга бўлиб турган Ўзбекистон делегацияси умумий рейтингда 10-ўринда бормоқда.