Олтиариқда тадбиркор ногиронлиги бор 100 нафар хотин-қизни иш билан таъминлади (Фото)

15:32 18 Июнь 2018 Иқтисодиёт
621 0
Фото: "Халқ сўзи"

“Обод қишлоқ” дастури доирасида Олтиариқ тумани Шарқ маҳалласида “Imona Atlas” трикотаж-тикувчилик ишлаб чиқариш корхонаси иш бошлади. Вилоятдаги мухбиримиз Элёржон Эҳсоновнинг маълум қилишича, тадбиркор Сабринисо Ваҳобованинг саъй-ҳаракатлари билан очилган корхонага кам таъминланган, ногиронлиги бор 100 нафар хотин-қиз жалб этилди. Ҳозир улар томонидан касаначилик асосида этак, чойшаб ва махсус қўлқоп каби 6 хилдан зиёд маҳсулотлар ишлаб чиқарилмоқда.

Фото: "Халқ сўзи"

“Икки йил илгари ногиронлиги бор ўқувчиларга мўлжалланган махсус коллежни тикувчилик бўйича тамомладим. Ўтган даврда иш тополмай қийналдим. Ота-онамга ёрдам берсам, дейман. Ниятим “Imona Atlas” туфайли рўёбга чиқадиган бўлди”, - дейди Қувурбоши маҳалласида яшовчи Одинахон Раҳмонова.

Фото: "Халқ сўзи"

Умуман, Олтиариқ туманидаги Қапчуғай, Полосон, Тинчлик қишлоқлари ва улардаги 10 та маҳалла мазкур дастур асосида обод ва сўлим масканларга айлантирилди.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар