“Окс Искандарияси қаерда - Эски Термиздами, Ой-хонумдами ёки Кампиртепада?”

Хабарингиз бор, жорий йилнинг 24-25 август кунлари Термиз шаҳрида “Ўзбекистон – буюк йўллар ва цивилизациялар чорраҳаси: империя, дин, маданият” мерос ҳафталиги доирасида “Ўзбекистон – цивилизациялар чорраҳаси“ номли халқаро археологик форум ўтказилади.
Ушбу нуфузли форумга 80 дан ортиқ мамлакатдан дунё илм-фани вакиллари – таниқли археолог олимлар, музейлар ва илмий институтлар раҳбарлари иштирок этиш истагини билдирган, деб хабар берди Сурхондарё вилоят ҳокимлиги матбуот хизмати.
Форум меҳмонларини Термизда кўплаб ҳайратга солувчи кашфиётлар кутмоқда. Улардан бири академик Эдвард Ртвеладзе бошчилигидаги бир гуруҳ олимлар қадимий грек тарихчиси ва географи Птолемей асарларида ёдга олинган ва эллинистик маданиятнинг Марказий Осиёдаги ғаройиб ёдгорлиги саналган афсонавий Окс Искандарияси Ўзбекистоннинг Сурхондарё вилоятида жойлашганлигини исботлайдилар.
Айтиш керакки, кўп йиллар давомида илмий жамоатчилик вакиллари “Окс Искандарияси қаерда - Эски Термиздами, Ой-хонумдами ёки Кампиртепада?” деган савол атрофида мунозара олиб боришган.
Нуфузли ўзбек олимлари томонидан сўнгги йилларда олиб борилган қазишма ишлари натижасида Окс Искандарияси Амударё (қадимда Окс) соҳилида милоддан аввалги IV аср охири ва милоддан аввалги I асрга қадар мавжуд бўлган порт шаҳар – Кампиртепа харобалари эканлиги аниқланди ва бу илмий дунёда кучли акс-садога сабаб бўлди.
24-25 август кунлари Термизда бўлиб ўтадиган халқаро археологик форумда бу шов-шувли кашфиёт илк марта айнан шу ерда эълон қилинади, дунё илм-фани вакиллари Кампиртепа ёдгорлигида бўлиб, қадимий археологик обида билан яқиндан танишади.
Шу кунларда вилоятда мазкур халқаро тадбирни юксак савияда, Сурхондарёга хос меҳмондўстлик билан ўтказишга пухта ҳозирлик кўрилмоқда. Нуфузли форумнинг асосий анжуманлари ўтказиладиган “Санъат саройи” ва Термиз археология музейини тайёрлаш, замонавий усулда техник жиҳозлаш ишлари якунланди. Ранг-баранг концерт дастурлари, театрлашган чиқишлар, ноёб ҳунармандчилик буюмлари кўргазмасини ташкил этишга алоҳида эътибор қаратилмоқда.
Форум иштирокчилари учун меҳмонхоналарда, шунингдек, Термиз туманидаги “Фаёзтепа”, “Қоратепа” ва Музработ туманидаги “Кампиртепа” сингари қадимий меъморий ёдгорликларда зарур қулайликлар яратилмоқда. Ҳудудлар форум мавзусига мос кўргазмали воситалар билан безатилди.
– Термиз давлат университети билан ҳамкорликда ўттиздан ортиқ ўқитувчи ва талабалардан иборат таржимонлар гуруҳи шакллантирилди. Уларга воҳанинг туристик имкониятларини кенг тарғиб қилиш учун ўзбек, инглиз ва рус тилларидаги сайёҳлик харитаси ҳамда “Сурхондарё” номли журнал тайёрланди, – дейди Сурхондарё вилоят туризмни ривожлантириш ҳудудий бошқармаси бошлиғи А.Хўжақулов. – Шунингдек, йигирмадан ортиқ зиёрат, буддизм, тарихий-меъморий, тиббиёт, экологик ва маданий-кўнгилочар туристик объектлар бўйича махсус буклетлар ҳозирлаб қўйилди. Меҳмонларнинг бўш вақтини мазмунли ва мароқли ўтказиш чоралари кўрилмоқда.
Бир сўз билан айтганда, “Ўзбекистон – цивилизациялар чорраҳаси“ номли халқаро археологик форум иштирокчилари қадимий ва ҳамиша навқирон Сурхон воҳасида кўплаб қизиқарли манбалар билан яқиндан танишиб, бу гўшанинг қадимдан дунё тамаддуни бешикларидан бири эканига гувоҳ бўлади.
Кўп ўқилганлар
- Эркинжон Турдимов: “Бугун биз халқимизни тинглашни ўрганишимиз керак. Халқимизнинг дардига қулоқ тутишимиз керак”
- Ўзбекистон Республикаси Вазирлар Маҳкамаси тўғрисида
- Муштарийлар учун ажойиб янгилик!
- Фарғонада бензиннинг нархи ўн минг сўмга чиқиб кетди. Савдо фақат нақд пулда амалга оширилмоқда
- 2020 йил учун Ўзбекистон Республикасининг Давлат бюджети тўғрисида
- Касаба уюшмалари тўғрисида
Муҳокама қилинган
- Молия вазири: “Олдин АҚШ долларини 4000 сўмдан ҳам ололмаганмиз, Олой бозоридаги қора бозордан 8000-8500 минг сўмдан олганмиз”
- Қўйлиқ бозоридаги ёнғин бўйича расмий маълумот берилди
- Ўзбекистон ва Россия Президентлари телефон орқали мулоқот қилди
- Фарғонадаги маҳаллада фуқаролар қурт босган сув истеъмол қилмоқда
- 2 нафар ИИВ ходими 500 доллар пора билан қўлга тушди
Afisha
Юқоридаги суратда бунинг учун нима қилиш лозимлигини томоша қилишингиз мумкин.
09 Декабрь 2019
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг: