Навбат тракторга! Яна бир антиқа сайёҳ ЖЧ-2018ни томоша қилиш учун келмоқда (фото)

12:20 12 Июнь 2018 Дунё
1972 0

Германия терма жамоасининг 70 ёшли мухлиси Губерт Вирт футбол бўйича жаҳон чемпионатини томоша қилиш учун тракторда Россия томон йўлга чиқди.

У тракторига тиркама сифатида пиво бочкаси кўринишидаги уйини қўшиб олган. Уйда ётоқ учун махсус жой ва ошхона ўрин олган.

Губерт Вирт сафарини 15 май куни бошлаган бўлиб, у 14 июнга қадар Москвага етиб олишни кўзламоқда. У аллақачон Польша чегарасини кесиб ўтиб, Беларусь ҳудудига қадар етиб келган.

Унинг трактори Lanz Bulldog 1936 йилда ишлаб чиқарилган бўлиб, соатига 15-20 км тезликда ҳаракатланади. Вирт суткасига 100 километр атрофида масофани босиб ўтмоқда. Виртга унинг севимли ити — такса турига мансуб Хекс лақабли кучукча ҳамроҳлик қилмоқда.

Қайд қилинишича, немис пенсионери 20 йилдан буён тракторида саёҳатга чиқишни одат қилган. У нафақага чиққунига қадар Mersedes компаниясида механик сифатида ишлаган.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019