МЧЖ раҳбари ва банк филиали мансабдорларининг кирдикорлари фош этилди

16:33 28 Август 2020 Жамият
340 0

Бош прокуратура ҳузуридаги Департаментнинг Қўрғонтепа туман бўлими томонидан ўтказилган терговга қадар текширувда, «Қ.Э.» МЧЖ раҳбари Ф.С. АТ «Халқ банки» туман филиали мансабдор шахслари билан тил бириктириб, «Ҳар бир оила тадбиркор» дастури доирасида ажратилган маблағларни гўёки ҳунармандчилик, тикувчилик ва иссиқхоналар фаолиятини йўлга қўйилганлиги ҳақида сохта ҳужжатлар тайёрлаб, 12 нафар фуқаролар номига 238 млн сўм имтиёзли кредит маблағлари ажратилишига эришиб, шундан, 169,7 млн сўмини жамиятнинг кредит қарздорлигини қоплаш ва 68,3 млн сўмини ўз эҳтиёжларига сарфлаб юбориб талон-торож қилганлиги аниқланган. Бу ҳақда Бош прокуратура матбуот хизмати хабар берди.

Мазкур ҳолат юзасидан жамият раҳбари Ф.С. ва АТ «Халқ банки» туман филиали мансабдор шахсларига нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?