Мамлакатдаги ўсмирларнинг учдан бир қисми бир йилда бирорта китоб ўқимагани аниқланди

15:17 28 Август 2018 Дунё
653 0
Иллюстратив фото

Америкалик олимлар АҚШдаги ҳар уч нафар ўсмирнинг бири бир йил давомида бўш вақтида бирорта китоб ўқимаганини аниқладилар. Сан-Диего давлат университети тадқиқотчиларининг айтишича, гап нафақат нашрлар, балки интернетда тарқалаётган ва планшет ёки монитор орқали ўқиш мумкин бўлган электрон китоблар ҳақида ҳам кетмоқда, деб ёзади ТАСС.

Тадқиқотлардан маълум бўлдики, 2 фоиз америкалик ўсмирлар газеталарни мунтазам ўқиб боради. Ваҳоланки, 90-йилларда ушбу давлатдаги ҳар учинчи ўсмир кундалик нашрларни кузатиб борган. 70-йилларда эса 60 фоиз ўсмирлар ҳар куни ё китоб ёки газета мутолаа қилган.

“Ўсмирларнинг фаоллиги интернетда фавқулодда ошиб кетаётганини қайд этмасликнинг иложи йўқ: 2016 йилда 18 ёшли мактаб ўқувчиси ижтимоий тармоқлар, ўзаро ёзишмалар ва турли сайтларни томоша қилишга бир кунда ўртача 6 соат сарфлаган. Бу 10 йил олдинги ҳолатга нисбатан икки баробар кўпдир”, - дейилади материалда. Таъкидланишича, бир кунда интернетда 13-14 ёшлардаги ўсмирлар 4 соат, 15-16 ёшлилари эса қарийб 5 соат вақтини ўтказар экан.

Тадқиқот муаллифларининг ўзлари ҳам китоб ўқийдиган ўсмирлар сони жуда кам эканлигидан ҳайратга тушган. “Ахир интернетда адабиётлардан фойдаланиш жуда осон-ку – шунчаки ҳаволага босилса бас, илгаридагидек кутубхонага бориб, ёзилишмаса ёки китоб дўконига боришмаса”, дейди тадқиқотчилар.

Яна ўсмирлар борган сари кам телевизор кўраётгани аён бўлди. 90-йилларда 22 фоиз мактаб ўқувчиси бир кунда 5 соат вақтини экран қаршисида ўтказган. 2016 йилга келиб бу рақам 13 фоизга тушиб қолган.

Изланишлар давомида 40 йил давомида ўсмирлар ҳақида қилинган шу каби статистикалар ўрганилиб, шу асосда 1 миллиондан зиёд америкаликлар бўш вақтини қандай ўтказиши таҳлил қилиб чиқилди.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019