Мактабларда коррупцияга қарши курашиш ойликлари ўтказилади

17:11 24 Декабрь 2018 Жамият
736 0

Иллюстратив фото

Ўзбекистон Республикаси Халқ таълими вазирлиги ҳамда Адлия вазирлиги аҳолининг ҳуқуқий онги ва маданиятини юксалтириш бўйича ҳамкорлик дастурини имзолади. Бу ҳақда ХТВ матбуот хизмати хабар берди.

Дастур доирасида вазирликлар халқ таълими соҳасида қонун устуворлигини таъминлаш ва қонун ҳужжатлари ижросини ташкил этиш, шунингдек, мазкур соҳага доир қонун ҳужжатларини кенг тарғиб қилиш, ёш авлоднинг ҳуқуқий саводхонлиги ва маданиятини оширишда ўзаро ҳамкорлик қилади. Жумладан, томонлар халқ таълими муассасаларида ҳуқуқий саводхонлик бурчакларини ташкил этади.

Шу билан бирга, вазирликлар халқ таълими муассасалари ходимлари фаолиятини меҳнат қонунчилиги талабларига мувофиқ ташкил этишда ҳамкорлик қилиши белгиланган. Хусусан, томонлар Ўзбекистон бўйлаб халқ таълими муассасаларида коррупцияга қарши курашиш ва “одоб-ахлоқ” ойлигини ўтказиш ҳамда коррупция ҳақида тезкор ва аноним хабар бериш тизимини такомиллаштириш бўйича иш олиб боришни режалаштирган.

Халқ таълими вазирлигига ўқитувчи обрўси, шаъни ва қадр-қимматини ошириш вазифаси юклатилган. Дастур доирасида вазирликлар ушбу йўналишда ўқувчилар ва ота-оналар иштирокида тадбирларни амалга оширади.

Ижтимоий тармоқлар орқали тарқатилаётган халқ таълими соҳасидаги камчиликлар ҳамда юзага келаётган муаммолар бўйича тезкор муносабат билдириб боришда ҳам томонлар ҳамкорлик қилишга келишиб олдилар.

Шу билан бирга вазирликлар халқ таълими соҳасига доир қабул қилинаётган қонун ҳужжатларининг мазмун-моҳиятини ёритиб беришга қаратилган тарқатма тарғибот материалларини тайёрлаш ва бошқа шу каби чора-тадбирларни амалга оширади.

Дастур доирасида “Ҳуқуқий саводхонлик ойлиги”, “Одоб-аҳлоқ ойлиги” каби тадбирлар, мактабларда ҳуқуқий саводхонликни ошириш учун махсус дарслар ўтказиш режалаштирилган. Мактабларда бўлажак ҳуқуқшуносларни тарбиялаш дастурлари амалга оширилади.

Ушбу лойиҳа ҳуқуқий тарғибот соҳасида Халқ таълими ва Адлия вазирликлари ўртасида ҳамкорликни кучайтириши ҳамда бу борада қонун устуворлигини таъминланишига, шунингдек, ёш авлоднинг ҳуқуқий онги ва маданиятини юксалтиришга хизмат қилиши кутилмоқда.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019