Мактабларда 6 та фан вақтинчалик ўтилмаслиги мумкин

14:49 04 Сентябр 2020 Жамият
3172 0

ХТВ ўқув йили бошида айрим фанларни вақтинчалик ўтилмаслигини тавсия қилади. Бу ҳақда вазирлик Матбуот хизмати хабар берди.

"Ўқувчиларнинг соғлигини ҳимоялаш, ижтимоий масофани сақлаган ҳолда ортиқча мулоқот қилишларини олдини олиш мақсадида, ўқув йили бошида вақтинчалик ўтилиши тавсия этилмайдиган фанлар қуйидагилар:

жисмоний тарбия;

чақириққа қадар бошланғич ҳарбий тайёргарлик;

мусиқа маданияти;

тасвирий санъат ва чизмачилик;

технология;

тарбия фанлари.

Ушбу фанлар масофавий таълим шаклидаги телевизион дарслар орқали ўзлаштириб борилади.

Шуни алоҳида таъкидлаш керакки, мазкур фанлардан дарс бераётган ўқитувчиларнинг ойлик иш ҳақи тўлиқ сақлаб қолинади ва улар мактабдаги ўқув-тарбия жараёнини ташкил этиш билан боғлиқ ташкилий масалаларга жалб этилади", дейилади хабарда.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?