Маданий мерос объектлари хорижлик мутахассислар билан ҳамкорликда таъмирланади

18:33 13 Ноябрь 2018 Маданият
444 0

Пойтахтимизда “Консервация, реставрация ва тиклаш ишларининг долзарб муаммолари: назария ва амалиёт” мавзусида халқаро семинар ташкил этилди. 

Ўзбекистон Республикаси Маданият вазирлиги, “Маданий мерос таъмирлаш-тиклаш” давлат унитар корхонаси ва Хитой маданий мерос академияси билан ҳамкорликда ўтказилган семинарда Хитой, Туркия, Қозоғистон, Қирғизистон, Тожикистондан келган мутахассислар, шунингдек, ЮНЕСКОнинг Ўзбекистондаги ваколатхонаси, Жаҳон банки вакиллари иштирок этди.

Юртимизда маданий мерос объектларини асрашга алоҳида эътибор қаратилаётгани таъкидланди. Ушбу тадбир маданий мерос соҳасидаги хорижий тажрибани ўрганиш ва мутахассислар ўртасида ўзаро ҳамкорликни йўлга қўйишда муҳим аҳамият касб этади.

— Ўзбекистон дунёнинг қадимий ўлкаларидан биридир, — дейди Хитой маданий мерос академияси Бош котиби ўринбосари Гуань ЦЯН. — Юртингиздаги обидалар, тарихий ёдгорликлар аждодларнинг ўзига хос маданиятидан, бунёдкорлик салоҳиятидан сўзлайди. Уларни қайта тиклаш, таъмирлаш ва авлодларга безавол етказиш барчамиз учун бирдек алоқадор, деб биламан. Мазкур семинарда Ўзбекистондаги таъмирталаб маданий мерос объектларини реконструкция қилиш режалари ҳақида фикр-мулоҳаза алмашилди. Истиқболда ҳамкорлик амалга ошириладиган ишлар белгилаб олинди.

Тадбир давомида иштирокчилар Хива шаҳридаги тарихий қадамжоларни кўздан кечирди.

Юлдуз ЎРМОНОВА.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019