"Лада Ларгус" жавобгарликка сабаб бўлди

16:52 09 Сентябр 2019 Жамият
88 0

Амалдаги тартибга кўра, мамлакатимизга чет эл фуқаролари томонидан чет давлатда рўйхатдан ўтган автотранспорт воситаларини имтиёзли вақтинча олиб кириш белгиланган. Албатта, бу маълум муддатга (1 календарь йил муддат ичида 90 кунгача) божхона томонидан расмийлаштирилган мажбуриятномалар асосида амалга оширилади. Бу борада белгиланган тартибга риоя қилмаганларга нисбатан эса тегишли жазо чоралари кўрилади.

Куни кеча вилоят божхона бошқармаси ходимлари томонидан мана шундай ҳуқуқбузарлик ҳолати кузатилди. Аниқланишича, фуқаро Жавлон Аширов (исм-фамилия ўзгартирилган) Россияда чет эл фуқароси номига расмийлаштирилган "Лада Ларгус" русумли автотранспорт воситасини 2019 йил 14 август кунида қайтариб олиб чиқиш мажбурияти билан вақтинча олиб кирган. Бироқ муддат ўтган бўлишига қарамай машинани олиб чиқиш чораларини кўрмаган. Шу сабабли унга нисбатан белгиланган тартибда баённома расмийлаштирилди.

Ҳозирда мазкур ҳолат юзасидан текширув ва суриштирув ишлари олиб борилмоқда. 

Айтиш жоиз, вилоят божхоначилари томонидан ўз вақтида олиб чиқилмаган ҳамда чет давлатида рўйхатдан ўтган қидирувдаги автотранспорт воситалари бўйича 4 та ҳуқуқбузарлик ҳолати аниқланган.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019