“ХАЛҚ СЎЗИ ONLINE”. Аҳмадали Шерназаров/Сирдарё. “Сирдарёавтотеххизмат” масъулияти чекланган жамияти томонидан автосалонга келиш имконияти, вақти бўлмаган, узоқ манзилдаги мижозлар учун уларнинг хоҳишига кўра автомобиль харид қилиш бўйича шартномаларни уларнинг уйларида тузиш имконияти яратилди. Ҳозиргача 10 нафар фуқаро ана шундай қулайликдан фойдаланди.

“Мижозлар шартнома имзолангандан сўнг етти иш кунида хоҳлаган шаклда тўловни амалга оширадилар ва мазкур келишув ҳужжатида кўрсатилган муддат ичида ўз автомобилларига эга бўладилар. Қолаверса, яқинда салонимизда 45 минут мобайнида харидорга расмийлаштириб беришга мўлжалланган автомобилларни шанба-якшанба кунлари “Очиқ осмон остида” акцияси доирасида сотувга қўйишни ҳам бошладик”, - дейди мазкур МЧЖнинг савдо ва маркетинг бўйича мутахассиси Матлуба Худойбердиева.