Фото: Ҳасан Пайдоев / «Халқ сўзи»

Тошкент тиббиёт академияси қошидаги академик лицейда анъанавий шарқ табобатига бағишланган илмий-амалий семинар ўтказилди.

Анжуман “Тошкент тиббиёт академияси ҳамда Корея соғлиқни сақлаш саноатини ривожлантириш институти ҳамкорлигидаги Халқ табобати маркази” лойиҳаси доирасида ташкил этилди. Тадбирда ушбу соҳа бўйича етакчи мутахассислардан иборат Корея делегацияси, ТТА профессорлари, талабалар ҳамда ОАВ вакиллари иштирок этди.

Семинар мобайнида шарқона табобатнинг илмий асосланган методикаларини замонавий тиббиёт тизимига татбиқ этиш, соғлиқни сақлашнинг анъанавий табобатга асосланган инновацион методикалари бўйича маърузалар ўтказилди ҳамда Корея республикасининг етакчи мутахассислари оғир асаб касалликлари билан касалланган беморлар иштирокида мастер-класслар ўтказди. Бунда беморлар махсус танлаб олиниб, улар мисолида анъанавий шарқ табобатининг ютуқлари намойиш этилди.

Юлдуз ЎРМОНОВА, “Халқ сўзи”