Яқинда Колумбияда россиялик руфер(осмонўпар биноларга ҳимоя воситаларисиз чиқа оладиган одам) қўлга туширилди.

Рус ўргимчак одами лақабини олган Павел Гогулан Медельин шаҳридаги 12 қаватли иншоотни забт этган пайтда ушланган. Бу ҳақда Blu Radio хабар берди.

Бинонинг охирги қаватида жойлашган Bancolombia банки штаб-квартирасида уни иншоот хавфсизлиги ходимлари ва маҳаллий ҳокимият вакиллари кутиб олиб, қўлга туширди, дейилади хабарда.

Tiempo нашрининг ёзишича, россиялик экстремал мазкур бинога 3 сентябрь куни ҳам чиқишга уринган. Лекин уни ўша пайтда хавфсизлик ходимлари тўхтатиб қолган.

Радиостанция маълумотларига қараганда, Гогулан Медельиндаги баҳайбат One Plaza бизнес маркази томига кўтарилган экан.

Павел Гогулан ҳозиргача дунёнинг 48 та давлатидаги 200дан ортиқ осмонўпар биноларни забт этганини маълум қилган.