Хорижий валютани олиб кириш ва олиб чиқишнинг чекланган миқдори оширилади

12:19 29 Июнь 2018 Иқтисодиёт
1179 0

Ўзбекистон Республикаси ҳудудидан олиб чиқиб кетиладиган валюта миқдорини оширилади. Бу ҳақда Норматив-ҳуқуқий ҳужжатларнинг муҳокамаси порталида эълон қилинган “Валютани тартибга солиш ва валюта назорати тўғрисида”ги Президент қарори лойиҳасида кўрсатиб ўтилган.

Ҳозирги кунгача жисмоний шахслар декларациясиз мамлакатдан 2 минг долларгача олиб кириши ва олиб чиқиб кетишлари мумкин эди. Қарор лойиҳасида Марказий банк бу бандни 5 минг долларгача оширилишини таклиф қилган.

Шунингдек, ҳозирда алоҳида рухсатномасиз 5000 долларгача бўлган валютани олиб чиқиб кетиш мумкин. Қарор лойиҳаси бу сумма 10 минг долларгача оширилиши кўзда тутилган. Бундан ортиқ бўлган суммани олиб чиқишда тўлдирилган божхона декларацияси асосида, ёки олимпиада ғолиб ва совриндорлари томонидан, тасдиқловчи ҳужжат бўлганда олиб чиқишга рухсат бериш таклиф этилган.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар