Хориждан ҳар бирининг баҳоси 2 минг еврога тенг бўлган наслли қорамоллар олиб келинади

19:18 13 Июнь 2019 Жамият
348 0

Иллюстратив фото

Бу йил хориждан 48 минг бош наслли қорамол олиб келиниши кўзда тутилган. Сут ва гўшт йўналишидаги хориж зотига мансуб қорамолларнинг ҳар бирини баҳоси ўртача 2 минг еврога тенг. Уларнинг салмоқли қисми Венгриядан харид қилиниши мумкин. Тошкент шаҳри мезбонлик қилган Ўзбекистон — Венгрия чорвачилик форумида томонлар ушбу масалани ҳам муҳокама қилинди.

Ўзбекистон Республикаси Ветеринария ва чорвачиликни ривожлантириш давлат қўмитаси раиси ўринбосари Абдурасул Абдуллаевнинг айтишича, чорвачиликни ривожлантириш бўйича айнан Венгрия билан ҳамкорлик қилинаётгани бежиз эмас. Чунки бу давлатнинг иқлими, табиати Ўзбекистонникига жуда яқин. Шу боис 2017-2018 йилларда олиб келинган 2400 бош қорамол юртимизга жуда тез мослашди, йўқотишлар айтарли бўлмади.

Форумда Венгриянинг наслчилик, сут-гўшт етиштириш, чорва озуқалари етказиб беришга ихтисослаштирилган компанияларининг тақдимотлари бўлиб ўтди. Ўз навбатида, юртимизда чет эллик ҳамкорлар учун яратилган шарт-шароитлар, инвестиция муҳити ҳақида батафсил маълумотлар берилди.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019