Хитойлик ёшлар Ўзбекистон тарихи билан танишади

11:33 06 Февраль 2019 Жамият
259 0

“Ипак йўли” ­туризм халқаро университетида Хитойнинг UNMCSR-SNC ташкилоти бош котиби Цзянбо Ву бошчилигидаги делегация билан учрашув ­ўтказилди.

Мулоқотда Хитой олий таълим муассасалари билан ҳамкорлик истиқболлари муҳокама қилинди. Якунда имзоланган Ҳамкорлик меморандумида инновацион, илмий тадқиқот лойиҳаларини амалга ошириш, икки томонлама диплом, профессор-ўқитувчилар таркиби ва бакалаврлар тайёрлаш бўйича дастурларни ривожлантириш, академик алмашинувга йўл очиш каби масалалар кўзда тутилган.

Мазкур ҳужжат Хитой ­томонининг “Бир макон, бир йўл” ташаббуси доирасида фан ва таълим соҳасида ҳамкорликни чуқурлаштириш мақсадида тузилган.

Учрашувда Хитой делегацияси аъзолари Ўзбекистонда тарих, мада­ният, санъат ва архитектурани ўрганишдан манфаатдор эканини таъкидлашди.

— Хитойда ҳамма ҳам Ўзбекистон Буюк Ипак йўли марказида жойлашганини билмайди, шу сабабли биз юртдошларимиз мамлакатингиз бой тарихи билан имкон қадар кўпроқ та­нишишини истаймиз. ­Лойиҳамиз маркази сифатида Ўзбекистонни танлаганимиз ҳам бежиз эмас, — дейди Хайнан университети вакили Ли Дзин.

Келгусида университет қошида хитой тили ҳамда хитой ­тилида сўзлашувчи гид-экскурсоводларни тайёрлаш марказлари очилиши режалаштирилган.

Фазлиддин АБИЛОВ, “Халқ сўзи” мухбири.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019