Хитойлик ишбилармонлар Самарқандда

11:59 31 Май 2018 Иқтисодиёт
1698 0

Самарқанд шаҳрида Хитой Халқ Республикасининг Шэньси провинциясидан ташриф буюрган бир гуруҳ тадбиркорлар билан учрашув бўлиб ўтди.

— Яқинда бизнинг ишбилармонларимиз ҳам Шэньсига бориб, бир қатор шартномалар имзолаб қайтишган эди, — деди Самарқанд вилояти ҳокими Т. Жўраев. — Бунинг натижасида Хитойдан кўплаб замонавий техникалар олиб келдик.

Учрашувда Шэньси провинциясининг қишлоқ хўжалиги ва иқтисодиёт уюшмаси раиси Санг Ши Цзин ўртадаги алоқаларнинг самаралари ҳақида сўз юритди. Қишлоқ хўжалиги маҳсулотларини сотиб олиш бўйича битимлар тузишга келишиб олган тадбиркорлар иштирокида Самарқанд давлат университетида “Хитой тарихи ва маданияти” марказининг очилиш маросими ҳам бўлди.

Марказга Хитой ҳунармандлари тайёрлаган ноёб буюмлар туҳфа қилинди.

Мамадиёр ЗИЁДИНОВ,
«Халқ сўзи» мухбири.

 

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?