Йил бошидан буён Ўзбекистонда ЯИМ миқдори 30 млрд доллардан ошди

12:27 18 Октябр 2018 Иқтисодиёт
770 0


2018 йилнинг январь – сентябрида Ўзбекистон Республикаси ЯИМ ҳажми жорий нархларда 244 трлн 343,7 млрд. сўмни (30 сентябрдаги курс бўйича 30,2 млрд доллар) ташкил этди ва ўтган йилнинг мос даври билан таққослаганда 5,2%га ўсди. Бу ҳақда Давлат статистика қўмитаси маълум қилди.

Унга кўра, ЯИМ дефлятори индекси 2017 йилнинг январь – сентябридаги нархларга нисбатан 131,6 фоизни ташкил этган.

Аҳоли жон бошига ҳисобланган ЯИМ 7 млн 433 минг сўмни (920 доллар) ташкил этди ва бу кўрсаткич ўтган йилнинг мос даврига нисбатан 3,5%га юқоридир.

Иқтисодий ўсиш суръати иқтисодиётнинг асосий тармоқларида кузатилган ижобий динамика билан боғлиқдир. Иқтисодиётнинг барча тармоқларида яратилган ялпи қўшилган қиймат (кейинги ўринларда ЯҚҚ) ҳажми ЯИМ умумий ҳажмининг 86,3%ини ташкил этди ва 5,3%га ўсди (ЯИМ мутлақ ўсишига таъсири 4,6 фоиз пунктни ташкил этди).

Маҳсулотларга соф солиқларнинг ЯИМ таркибидаги улуши 13,7%ни ташкил этди ва 4,5 % даражасида ўсиш қайд этилди (ЯИМ мутлақ ўсишига таъсири 0,6 ф.п.).

ЯИМ ўсиш суръатига хизматлар соҳаси энг катта таъсир кўрсатди (2,5 ф.п.) ва бу соҳа ўтган йилнинг январь-сентябрига нисбатан 6,0%га ўсди. Шундан, савдо хизматлари (автотранспорт воситаларини таъмирлашни қўшган ҳолда) 3,9%га, яшаш ва овқатланиш бўйича хизматлар 5,6%га, ташиш ва сақлаш 3,9%га, ахборот ва алоқа 17,0%га ва бошқа хизматлар 6,4%га ўсди.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019