Вазирлар Маҳкамасининг «Донни қайта ишловчи корхоналарни қўшимча равишда қўллаб-қувватлаш ва уларнинг экспорт салоҳиятини ошириш чора-тадбирлари тўғрисида»ги қарори қабул қилинди.

Қарорга мувофиқ, хўжалик юритувчи субъектларга ўзлари импорт қилган донни қайта ишлаш орқали ишлаб чиқарилган унни экспорт қилишга рухсат этилди.

2018 йил 1 сентябрдан донни қайта ишловчи корхоналарнинг маҳсулотлари учун қўшилган қиймат солиғи бўйича солиқ солинадиган айланма тушум ҳажмидан дон қийматини чиқариб ташлаб ҳисоблаш тизими жорий этилди.

Шунингдек, 2019 йил 1 январьига қадар донни қайта ишловчи корхоналар дон, ун ва нонни сотишда давлат мақсадли жамғармаларига мажбурий ажратмалардан озод этилди