Икки маҳаллий ва икки хориж университети ҳамкорлигидаги қўшма таълим дастурига ҳужжат топшириш давом этмоқда

11:04 07 Август 2019 Жамият
559 0

Бу ҳақда Edu.uz хабар берди.

Хусусан, Тошкент давлат аграр университети ва АҚШнинг Миссисипи штати университети ҳамкорлигидаги қўшма таълим дастурига асосан 2019/2020 ўқув йили учун магистратуранинг қуйидаги мутахассисликларига ҳужжатлар қабул қилинмоқда:

- Агробизнес ва инвестицион фаолият;

- Балиқчилик. 

Ҳужжатлар 2019 йилнинг 10 августига қадар қабул қилинади.

Телефонлар: (21) 260-50-57, (71) 260-43-15

Шунингдек, Жиззах давлат педагогика институти ва Барановичи давлат университети (Беларусь) билан қўшма таълим дастурига асосан 2019/2020 ўқув йили учун бакалавриатнинг қуйидаги таълим йўналишларига абитуриентлардан ҳужжатлар қабул қилинмоқда: 

- Амалий психология (30 та);

- Мактабгача таълим (30 та).

Ҳужжатлар 2019 йилнинг 10 августига қадар қабул қилинади.

Номзодлар фуқаролик паспорти ва умумий ўрта таълим (11-синф негизида) ёки ўрта махсус, касб ҳунар таълими муассасасини тугатганлиги ҳақидаги ҳужжатларнинг (иловаси билан) асл нусхасини тақдим этишади.

Қўшма таълим дастурида (2+2) ўқув жараёнлари рус тилида, тўлов-контракт асосида олиб борилади. Талабалар 1- ва 2-босқичларда Жиззах давлат педагогика институтида, 3- ва 4-босқичларда Барановичи давлат университетида ўқиши кўзда тутилган.

Дастурни муваффақиятли якунлаган талабаларга икки томонлама диплом берилади.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?