“Ҳаёт ранглари” бадиий кўргазмаси очилди

11:11 17 Май 2019 Маданият
996 0

Фото: Динара Чиркова, "Халқ сўзи"

Тошкент Фотосуратлар уйида Ўзбекистон бадиий академияси, Ёзувчилар уюшмаси ҳамда “Colibri” рассомчилик мактаби билан ҳамкорликда “Ҳаёт ранглари” номли бадиий кўргазма ташкил этилди. Кўргазмага рассомчилик мактабининг 7 ёшдан 19 ёшгача бўлган ўқувчилар ижоди жамланган.

Фото: Динара Чиркова, "Халқ сўзи"

Экспозицияда намойиш этилган ишлар турли мавзу ва жанрларда бўлиб, улар орасида табиат, қушлар ва гуллар, натюрморт, манзара жанрлари, кубизм, модернизм йўналишларида талқин қилинган.

Фото: Динара Чиркова, "Халқ сўзи"

“Colibri” нодавлат рассомчилик мактаби 2018 йилда ёш рассом Мафтуна Раҳимова томонидан очилган бўлиб, рангтасвир, чизматасвир, графика, либос тарихи йўналишларида бошланғич сабоқлар берилади.

Фото: Динара Чиркова, "Халқ сўзи"

Бу кўргазма рассомчилик мактабининг илк ижодий иши ҳисобланади, — дейди М.Раҳимова. — Мақсадимиз, ёшлардаги тасвирий санъатга бўлган қизиқишини ошириш, иқтидорини намойиш этишга кўмак беришдир. Мактабимизда кам таъминланганлар учун бепул таълим йўлга қўйилган. Улар барча тўгарак аъзолари қатори машғулотларда иштирок этадилар. Яъни уларни ажратмаймиз. Бугунги илк жамоавий кўргазмамизда уларнинг ҳам ижодий ишлари ўрин олган. Мен ўқувчилардаги қувонч ва ғайратни кўриб ўзимга ҳам илҳомландим. Бундай кўргазмалар келгусида давомли бўлишига, сафимиз янада кенгайишига ишонаман.

Фото: Динара Чиркова, "Халқ сўзи"

Кўргазма 21 майгача давом этади.

Юлдуз ЎРМОНОВА, “Халқ сўзи”.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019