Генерал-полковник Рустам Аҳмедов десантчиларнинг жанговар тайёргарлиги билан танишди

12:37 25 Апрель 2018 Жамият
2070 0
Фото: Мудофаа вазирлиги Матбуот хизмати

Ўзбекистон Республикаси Мудофаа вазири маслаҳатчиси, нафақадаги генерал-полковник Рустам Аҳмедов Тошкент ҳарбий округидаги умумқўшин дала ўқув майдонида десантчиларнинг жанговар тайёргарлик машғулотлари билан яқиндан танишди. 

Бу ҳақда “Халқ сўзи online”га Мудофаа вазирлиги Матбуот хизмати хизмати томонидан маълум қилинди.

Бой ҳаётий тажрибага эга бўлган Мудофаа вазирлиги фахрийси ёш ва навқирон ҳарбий хизматчиларнинг жанговар ва маънавий-маърифий тайёргарлик машғулотлари, уларнинг турмуши, хизмат шароитлари билан танишиш учун ҳарбий округларга хизмат сафарларини уюштираяпти.

Бу гал десантчилардан иборат янги таркибдаги жанговар бўлинма — батальон тактик гуруҳининг дала ўқувларига тайёргарлик жараёнлари билан танишаётган Р. Аҳмедов йигитларга у хизмат қилган йилларда рўй берган қизиқарли воқеалар, бугунги кунда ҳарбий хизмат нуфузи ва шарафи юксалаётгани, олдинги ва бугунги армия ўртасида жуда катта фарқ, кескин ўзгаришлар ҳақида сўзлаб берди. 

Танишув давомида генерал-полковник навбатдаги тактик машғулоти арафасида саф кўригидан ўтаётган ҳарбий хизматчиларнинг анжом-аслаҳаларини командирлар бошчилигида кўздан кечирди.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Муштарийлар учун ажойиб янгилик!

Юқоридаги суратда бунинг учун нима қилиш лозимлигини томоша қилишингиз мумкин.

09 Декабрь 2019