Фарғонада депутат ва унинг таниши пора билан қўлга тушди

14:37 12 Июль 2018 Жамият
719 0
Иллюстратив фото

Давлат хавфсизлик хизматининг Фарғона вилояти бошқармаси ҳамда Бош прокуратура ҳузуридаги департамент ҳамкорлигида ўтказилган тезкор тадбирда Фарғона вилояти Данғара тумани халқ депутатлари кенгаши депутати, Қўқон давлат педагогика институти услубчиси Муҳайё Қодирова, таниши Машҳура Абдураҳимова билан ўзаро тил бириктириб ўқишга киритиш мавсумидан мўмайгина пул ишламоқчи бўлишади. Бу ҳақда “Ўзбекистон 24” янгиликларида хабар берилди.

Бу икки олғир фуқаро Бешариқ туманидан бўлган танишларининг жиянини Қўқон давлат педагогика институтига ўқишга киритиб қўйишни ваъда қилиб, эвазига пул талаб қилишади.

Ўтказилган тезкор тадбир давомида улар ашёвий далил билан қўлга олинди. Бу ҳолат юзасидан жиноий иш очилган бўлиб, тергов ҳаракатлари давом этмоқда.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар