Европа чемпионлар лигасига старт берилди

11:56 19 Сентябр 2018 Спорт
1120 0

Сешанба куни УЕФА Чемпионлар лигаси янги мавсуми бошланди. Шу куни гуруҳ босқичининг 1-тур доирасида 8 та учрашув бўлиб ўтди.

B гуруҳидан жой олган Каталониянинг “Барселона” клуби ўз уйида “ПСВ Эйндховен” клубини қабул қилиб, йирик 4:0 ҳисобида ғалаба қозонди. Жамоа етакчиси Лионель Месси ўйинда ҳет-трикка эришди. Гуруҳнинг иккинчи учрашувида “Интер” “Тоттенҳем”ни 2:1 ҳисобида мағлуб этди.

Куннинг яна бир марказий учрашуви C гуруҳидан ўрин эгаллаган “Ливерпуль” ҳамда “ПСЖ” жамоалари ўртасида кечди. Голларга бой бўлган учрашувда Юрген Клопп шогирдлари сўнгги дақиқаларда киритилган гол эвазига 3:2 ҳисобида ғалаба қозонди. Гуруҳнинг иккинчи ўйинида Италиянинг “Наполи” клуби Сербияда “Црвена Звезда” билан 0:0 ҳисобида дуранг ўйнади.

А гуруҳида меҳмонлар “Атлетико” ва “Боруссия” муҳим ғалабалар билан қайтган бўлса, D гуруҳида “Галатасарой” Москванинг “Локомотив” клубини йирик ҳисобда енгди. “Шальке” ва “Порту” учрашувида эса ғолиб аниқланмади.

ЕЧЛ. Гуруҳ босқичи. 1-тур
A гуруҳи

Монако (Монако) – Атлетико (Испания) 1:2 (1:2)
Голлар:
Грансир (18), – Диего Коста (31), Хименес (45).

Брюгге (Бельгия) – Боруссия Д (Германия) 0:1 (0:0)
Гол:
Пулишич (85).

B гуруҳи

Барселона (Испания) – ПСВ (Нидерландия) 4:0 (1:0)
Голлар:
Месси (31, 77, 87), Дембеле (74).
Четлатиш: Умтити (79, Барселона).

Интер (Италия) – Тоттенҳэм (Англия) 2:1 (0:0)
Голлар:
Икарди (85), Весино (90+2) – Эриксен (53).

C гуруҳи

Ливерпуль (Англия) – ПСЖ (Франция) 3:2 (2:1)
Голлар:
Старриж (30), Милнер (36, пенальти), Фирмино (90+2) – Менье (40), Мбаппе (83).

Црвена Звезда (Сербия) – Наполи (Италия) 0:0

D гуруҳи
Галатасарой (Туркия) – Локомотив (Россия) 3:0 (1:0)
Голлар:
Родригеш (9), Дердийўқ (67), Инан (90, пенальти).
Четлатиш: Ндиайе (87, Галатасарой)

Шальке-04 (Германия) – Порту (Португалия) 1:1 (0:0)
Голлар:
Эмболо (64) – Отавио (75, пенальти).


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Муштарийлар учун ажойиб янгилик!

Юқоридаги суратда бунинг учун нима қилиш лозимлигини томоша қилишингиз мумкин.

09 Декабрь 2019