Энди терминал орқали амалга оширилган тўловни бекор қилиш мумкин

14:19 19 Июль 2018 Иқтисодиёт
490 0

Ягона умумреспублика процессинг маркази мутахассислари томонидан кўп хусусиятли “Халқаро тўлов тизими” номли дастурий таъминот ўрнатилган барча Uzcard POS-терминалларида “Транзакцияни бекор қилиш” қўшимча функцияси фаоллаштирилди.

Ушбу функция терминалда амалга оширилган хато транзакцияларни ҳамда истеъмолчи истагига биноан, маҳсулотни тўлов пунктига қайтариш учун тўловни бекор қилишда ишлатилади. POS-терминалларда Uzcard картаси орқали кун бўйлаб амалга оширилган транзакциялар ҳисоби юритилгунича барча транзакцияларни бекор қилиш имкони мавжуд.

Тўлов пунктлари эгалари учун маълумот:

- ушбу дастурий таъминотни Uzcard POS-терминалларига ўрнатиш учун Сизга хизмат кўрсатаётган банкингизга мурожаат қилинг;

- “Халқаро тўлов тизими” дастури бир неча дақиқаларда ўрнатилади;

- янги функционалнинг қўлланмаси билан танишиб чиқиш мақсадга мувофиқ;

- “Транзакцияни бекор қилиш” операциясини Uzcard карталари орқали тўлов амалга оширилган куни давомида (яъни, бир кун ичида) амалга ошириш мумкин;

- “Транзакцияни бекор қилиш” операциясини халқаро пластик карталари орқали тўлов амалга оширилган вақтдан бошлаб 16:00 гача амалга ошириш мумкин;

- “Транзакцияни бекор қилиш” операциясини Uzcard ва халқаро пластик карталари учун “Ҳисоб-китобни текшириш” функцияси амалга оширилгунича қўллаш имкони мавжуд;

- баҳсли вазиятларда Сизга хизмат кўрсатаётган банкингизга мурожаат қилишингиз ўринли.

Янги амалиёт Uzcard карта эгалари учун бир қатор қулайликларни тақдим этади:

- транзакцияга тегишли чек тақдим қилинганида Uzcard, UnionPay ва MasterCard пластик карталари орқали амалга оширилган тўловларни бекор қилиш имкони;

- транзакцияга тегишли чек тақдим қилинганида Uzcard, UnionPay ва MasterCard пластик карталари орқали амалга оширилган тўловларни бекор қила олиш имкони.

Таъкидлаш жоизки, “Халқаро тўлов тизими” дастурий таъминотини қўллаб-қувватловчи барча POS-терминаллар UnionPay ва MasterCard тўлов тизимига хизмат кўрсатувчи пластик карталарига Uzcard карталари қатори хизмат кўрсатади.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар