ДХХ Андижонда 2,1 млн. АҚШ доллари олиб кетилаётган автомобилни тўхтатиб қолди

17:39 11 Апрель 2019 Жамият
170 0

Давлат хавфсизлик хизматининг Андижон вилояти бошқармаси ходимлари томонидан мамлакатимиз ҳудудидан 2,116 млн. АҚШ долларини ноқонуний йўл билан олиб чиқиб кетилишига чек қўйилди. Бу ҳақда ДХХ Чегара қўшинлари матбуот хизмати хабар берди.

Хўжаобод туманида ўтказилган тезкор тадбир чоғида Андижондан Қорасув томон ҳаракатланаётган Nexia русумидаги автомобиль тўхтатилиб, кўздан кечирилган. Натижада 30 литр сиғимдаги пластмасса идиш ва 2 та целлофан пакетга жойлаштирилган валюта ушбу автомобилга яширилгани аниқланди.

Маълум бўлишича, Шаҳрихон туманида яшовчи шахс олган пул маблағлари Тошкентдан бериб юборилган. Ушбу валюта божхона назоратидан ўтиб бориб, Қирғизистонга етказилиши керак эди.

ДХХ бошқармаси ушбу ҳолат бўйича жиноий иш қўзғатган ва унга алоқадор шахсларни аниқлаш бўйича чоралар кўряпти.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019