Депутат контракт ошишини кескин танқид қилиб чиқди

10:14 11 Июль 2018 Жамият
56779 2
Фото: Facebook / Акмал Умирзоқов 

Олий Мажлис Қонунчилик палатаси депутати Акмал Умирзоқов олий таълим муассасаларида тўлов контракт нархларининг кўтарилишига муносабат билдириб ўтди.

“Ўзгарган контракт, Сендан бир ўтинч, энди ошма. Ошсанг шундоқ ҳам 8%и талаба бўлган 600000 ёшлар ўқишга қийналади. Сени ўзи ким белгилайди, белгилашда қайси мезонлар инобатга олинади-а? Оширишдан олдин Олий Мажлисниям фикрини олмабсанда. Олий Мажлисни фикрини нима қизиғи бор аслида. Битта КабМин (Вазирлар Маҳкамаси назарда тутилмоқда — таҳририят) қарори қонундан ҳам улуғку.

Бу илм дегани анқони уруғию, фақат сараланганлар таҳсил оладими? Мақсад пули борга таҳсил олиш имконини беришми?

Ўқимоқчимиш, нима, дунёни оберармидинг?!

Ўқиган анави қўшнини боласими?! 3та дипломи бор, иккитасини дунёни ТОП-100 Университетидан олган. Ҳозир пост ёзиб ўтирибди. Унгаям қийин!”, деб ёзган депутат ўзининг Фейсбукдаги саҳифасида.

Скриншот: Facebook / Акмал Умирзоқов

Маълумотларга кўра, сўнгги жумлаларда депутат ўзини назарда тутмоқда, чунки Акмал Умирзоқов Тошкент давлат юридик институти, Глазго университети ва Япониянинг Цукуба университетида таҳсил олган.

Эслатиб ўтамиз, кеча Олий таълим муассасаларида тўлов-контрактлар миқдори ошиши хабар берилганди. Барча йўналишлар бўйича тўлиқ рўйхат ҳам берилган.


Изоҳлар


Nodir Temirov

Bahodir Sattorov:

Imkonyati yetmaydigan yoshlar nima qiladi o'qishni tashlab salom Rossiya deydimi kontraktni oshirgancha talabani olgan reyting baliga qarab belgilansin shu kontrakt to'lovi. Bu mani shaxsiy fikrim

18:1512.07.2018

Nodir Temirov

Said Turdiyev (saidboyturdiyev@gmail.com):

Nodavlat institut va universitetlarni tashkil qilish kerakdir-a balki.

06:0419.07.2018

Кўп ўқилганлар