“Бу китоб эмас, тарих”

14:40 08 Октябр 2019 Маданият
231 0

Фото: Ҳаким Йўлдошев/«Халқ сўзи»

Театр тўлиб келган инсон тўкилиб, тўкилиб келган инсон тўлиб кетадиган сеҳрли маскан. Илк бор чоп этилган “Ўзбекистон театрлари” китоб-альбомида ана шундай хислатлар акс этган. Ўзбекистон Республикаси Маданият вазирлигида ушбу мўжаз тўпламнинг тақдимоти бўлиб ўтди. Тақдимотда театр арбоблари, жамланма мухаррирлари, ҳамкор ташкилотлар вакиллари ҳамда ОАВ вакиллари иштирок этди.

Фото: Ҳаким Йўлдошев/«Халқ сўзи»

 “Бу китоб эмас, тарих” дея таърифлайди Театр арбоблари уюшмаси раиси Ёқуб Аҳмедов. Чиндан ҳам шундай. Тўплам ўзбек, рус ва инглиз тилларида, 500 нусхада чоп этилган бўлиб, нафақат ўзбек театрлари фаолияти, балки унинг илғор ва фидойи ижодкорлари ҳақида ҳам маълумот беради.

Фото: Ҳаким Йўлдошев/«Халқ сўзи»
Фото: Ҳаким Йўлдошев/«Халқ сўзи»

— Театрларнинг жамиятга таъсири юксак даражада баҳоланаётгани ижодкорларга катта масъулият юклайди. — дейди Маданият вазири биринчи ўринбосари Озодбек Назарбеков. — Шу мақсадда кенг жамоатчиликни, қолаверса, юртимиз меҳмонларини ўзбек театрлари билан яқиндан таништириш мақсадида тўпламни чоп этдик. Ушбу жамланма ўзбек театрларининг юзи, бренди бўлади, десак муболаға бўлмайди.

Фото: Ҳаким Йўлдошев/«Халқ сўзи»
Фото: Ҳаким Йўлдошев/«Халқ сўзи»

Маълумот ўрнида айтиш жоизки, юртимизда мавжуд 37 та профессионал театрлардан 4 театр академик унвонга эга. Ҳар бир театр бир йилда  тўрттадан, жами 150-160 га яқин янги спектакллар намойиш этади. Шу билан бирга, кам таъминланган оилалар, меҳрибонлик ва нуронийлар уйларида яшовчи ҳамда имконияти чекланган томошабинлар учун хайрия спектакллари намойиш этилиши кишини қувонтиради.

Фото: Ҳаким Йўлдошев/«Халқ сўзи»
Фото: Ҳаким Йўлдошев/«Халқ сўзи»
Фото: Ҳаким Йўлдошев/«Халқ сўзи»

— “Ўзбекистон театрлари” китоб-альбоми бир йил мобайнида катта ижодий жамоа билан биргаликда тайёрланди. — дейди тўплам мухаррири Шаҳрибону Имомова.  — Келгусида бу китоб нафақат китоб жавонимизни безаб туради, балки халқимиз, айниқса, ёшларимиз маънавий дунёсини бойитишга ҳам хизмат қилади, деган умиддамиз.

Фото: Ҳаким Йўлдошев/«Халқ сўзи»
Фото: Ҳаким Йўлдошев/«Халқ сўзи»
Фото: Ҳаким Йўлдошев/«Халқ сўзи»

Юлдуз ЎРМОНОВА,
“Халқ сўзи”.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019