Божхоначилар умумий қиймати 2 млрд. сўмдан ортиқ ноёб маданий бойликларни юртимиздан олиб чиқилишига чек қўйишди

13:46 30 Октябр 2019 Жамият
52 0

Давлат божхона хизмати ходимлари мамлакатимиз иқтисодий хавфсизлигини таъминлаш билан бирга, юртимиз ҳудудидан ноёб маданий бойликларни ноқонуний олиб чиқилишини олдини олиш борасида ҳам салмоқли ишларни амалга оширишмоқда.

Хусусан, “Маданий бойликларни олиб чиқиш ва олиб кириш тўғрисида”ги Ўзбекистон Республикаси Қонуни ижроси доирасида Сирдарё вилояти божхона бошқармаси ходимлари ҳам маданий бойликларни ноқонуний олиб чиқилиши билан боғлиқ йирик қонунбузарликка чек қўйишди. Бу ҳақда ДБҚ ахборот хизмати хабар берди.

“Сирдарё” чегара божхона постига “Ласетти” автомашинасида кириб келган фуқаро Х.Д.нинг хатти-ҳаракатлари божхоначилар эътиборини тортди.

Шундан сўнг автомобиль ва унинг тиркамасидаги юклар ҳайдовчи ва холислар иштирокида божхона кўригидан ўтказилди.

Натижада, ушбу шахс декларацияда кўрсатилмаган ва божхоначиларнинг оғзаки сўровида маълум қилинмаган, Маданият вазирлигининг тегишли рухсатномаси бўлмаган, 32 дона турли кўринишдаги ҳайкаллар, 1 дона икона, 1 дона хоч, 12 дона кўза ҳамда 1 дона вазаларни яширинча олиб чиқмоқчи бўлганлиги аниқланди.

Ўзбекистон Республикаси Маданият вазирлиги Бадиий экспертиза хулосасига кўра, ушбу маданий бойликлар XVII аср охири – XVIII аср бошларида Хитой давлати ҳамда ХIX аср охири ва XX аср бошларида Ғарбий Европа давлатларида ишлаб чиқарилганлиги ва уларнинг умумий қиймати 2 миллиард сўмдан ортиқни ташкил этиши маълум бўлди.

Ҳозирда ушбу ҳолат юзасидан божхона органлари томонидан суриштирув ҳаракатлари давом эттирилмоқда.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019