Божхоначилар 1 дона ов қуроли ва 2 кг. 200 гр. кўкнори яширилган хонадонни аниқлашди

16:22 16 Август 2019 Жамият
434 0

Давлат божхона қўмитасининг Контрабанда ва божхона қонунчилиги бузилишига қарши курашиш бошқармаси томонидан қурол-яроғ ва гиёҳвандлик воситаларининг ноқонуний айланмасига доир навбатдаги қонунбузарлик ҳолатини фош этишди.

Божхоначилар 1 дона ов қуроли ва 2 кг. 200 гр. кўкнори яширилган хонадонни аниқлашди

Тошкент вилояти Янгийўл томонидан ўтказилган тезкор тадбир давомида тезкор кузатувга олинган фуқаро М.Ғ.нинг яшаш хонадони ва ёрдамчи хўжаликлари амалдаги тартибларга асосан ва холислар иштирокида кўздан кечирилди.

Натижада хонадоннинг эски ошхонасида ҳеч қандай ҳужжатлари бўлмаган 1 стволли, 12 калибрли 1 дона ов қуроли яширилгани аниқланди.

Шунингдек, кўздан кечириш давомида ҳовлидаги дарахатларга қуритиш мақсадида илиб қўйилган ҳамда трактор ғилдираклари орасига яшириб қўйилган кўкнори ҳашаклари ва бошоқлари ҳам ашёвий далил сифатида олиб қўйилди.

Уларнинг умумий оғирлиги эса 2 кг. 200 гр.ни ташкил қилар экан.

Ҳозирда ушбу ҳолат юзасидан дастлабки текширув ҳаракатлари олиб борилмоқда.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?