Бангладеш элчихонаси ўзбек тили байрами муносабати билан тадбир уюштирди

10:39 23 Октябр 2018 Жамият
1119 0

Бангладеш Халқ Республикасининг Ўзбекистондаги элчихонаси ҳамда Ўзбекистон Ёзувчилар уюшмаси ҳамкорлигида ўзбек тилига давлат тили мақоми берилганининг 29 йиллиги муносабати билан шеърият кечаси бўлиб ўтди.

Тадбирда юртимизда давлат тилини ривожлантиришга алоҳида эътибор қаратилаётгани таъкидлади.

— Бугун Ўзбекистонда 130 дан ортиқ миллат вакиллари бир оила сифатида яшаб келмоқда, — дейди Бангладешнинг Ўзбекистондаги Фавқулотда ва мухтор элчиси Мосуд Маннан. — Уларнинг барчаси ўз маданияти, тили, урф-одат ва анъаналарини ривожлантиришга кенг имконият яратилган. Шу билан бирга, ҳамма миллатларнинг давлат тилига катта ҳурмат билан қараши, уни чуқурроқ ўрганишга ҳаракат қилиши таҳсинга сазовор. Ўзим ҳам ўзбек тилини ўрганишга бел боғлаганман ва фикримча, аста-секин бунинг уддасидан чиқмоқдаман. Ўзбекистон халқ шоирлари Эркин Воҳидовнинг “Руҳлар исёни” достонини, Муҳаммад Юсуфнинг “Ватаним” шеърини ёд олдим. Зеро, шеърият дилларни боғлайди. Тил ва дил ўзаро боғлиқ тушунчалардир.

Тадбирда бангладешлик меҳмонлар томонидан ўзбек тилида шеърлар ўқилди. Юртимиз ёшлари томонидан айтилган шеъру қўшиқлар тадбирга байрамона тус берди.

Юлдуз Ўрмонова.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?