Ашурматов нега Жанубий Кореяга кетди?

16:48 07 Февраль 2019 Спорт
537 0

“Бунёдкор” ҳимоячиси Рустам Ашурматов Жанубий Кореянинг “Гвангжу” клубига ўтди. Ушбу маълумотни бугун ҳар икки клуб расман тасдиқлади.

22 ёшли футболчи гвангжуликлар клуби билан 2 йиллик шартномага имзо чеккан.

“Гвангжу”нинг услуби менга ёқди. Жамоамга мослашиб, яхши ўйин кўрсатишни истайман”, – деган Ашурматовнинг сўзларини келтирмоқда корейс клуби расмий сайти.

Ашурматов “Бунёдкор” асосий таркибида 2015 йили дебют ўйинини ўтказган. У ўтган тўрт мавсумда чемпионатда 91 ўйин, Ўзбекистон кубогида 19 ўйин ва Осиё Чемпионлар лигасида 13 ўйинда “қалдирғочлар” шарафини ҳимоя қилди. Бу баҳсларда у беш марта рақиблар дарвозасини ишғол қилган.

Рустам ўсмирлар ўртасидаги Осиё ва Жаҳон чемпионатларида Ўзбекистон шарафини ҳимоя қилган. 2018 йил январида Хитойда ўтказилган ёшлар ўртасида (U-23) Осиё чемпионатида чемпионликни қўлга киритган.

Шунингдек, Рустам Ашурматов Ўзбекистон миллий терма жамоаси сафида ҳам 5 та ўртоқлик ўйинида қатнашган.

Маълумот учун, “Гвангжу” клуби 2010 йилда ташкил топган ва нуфузи жиҳатдан Жанубий Кореяда иккинчи ҳисобланмиш Кей-Лига 2 мусобақасида иштирок этади.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019