“Ақлли машина” пайдо бўлди

19:48 15 Январь 2019 Иқтисодиёт
834 0

Фото: Ҳакимжон Йўлдошев

Ғиждувон туманидаги “Bek Bags” оилавий корхонасида матони бир ўлчамда кесиб, бичиб берадиган “ақлли машина” пайдо бўлди.

— Айни дамда 25 турдаги сумка ишлаб чиқаряпмиз, — дейди корхона иш юритувчиси Озода Рамазонова. — Илғор бичиш дастгоҳи экспортчи корхоналар қаторидан ўрин олишимизга йўл очади.

Оилавий корхона соҳиблари банкнинг 500 минг АҚШ доллари миқдоридаги кредити ва шахсий жамғармаси эвазига замонавий ишлаб чиқариш биносини қуриб, зарур ускуналарни харид қилишди. Пировардида бу ерда 32 та иш ўрни яратилди.

— Корхонамиз тамғаси туширилган сумкаларни одамлар қўлида кўрсам, қувониб кетаман, — дейди корхона ишчиси Мафтуна Нусратова. — Меҳнатинг самара келтираётганини ҳис қилиб яшаш ҳам бир бахт экан.

Истам ИБРОҲИМОВ, “Халқ сўзи” мухбири.​

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?