Сергелидаги арзон уй-жойлар қурилаётган ҳудудда чиққан ёнғин натижасида бир киши ҳалок бўлди

14:01 12 Июль 2019 Жамият
1982 0

Бугун, 12 июль куни Сергели туманидаги қурилиш участкаси ҳудудида автокран ёниб кетган. Бу ҳақда Тошкент шаҳар ёнғин хавфсизлиги бошқармаси “Халқ сўзи“га маълум қилди.

Қайд қилинишича, соат 11:49 да Сергели туманида 8-сонли арзон уй-жойлар қурилиш майдонида ишлаётган автокранда ёнғин чиққан. Ёнғинга юқори вольтли электр ўтказгич ва кран ўртасидаги туташув сабаб бўлгани айтилмоқда. Яъни кран юқори кучланишдаги ток ўтган симга тегиб кетган. Ёнғин натижасида кран ҳайдовчиси ҳалок бўлган.

Ёнғин содир бўлган жойга махсус ёнғин учирувчилар гуруҳи 12:00 да етиб келган ва шахсий таркибнинг ҳаракатлари натижасида ёнғин 12:34 соатда бартараф этилди. Ёнғинни бартараф этиш учун 2 та ёнғин ускуналари ишга туширилган.

Ёнғин натижасида кўрилган зарар миқдори аниқланмоқда.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Муштарийлар учун ажойиб янгилик!

Юқоридаги суратда бунинг учун нима қилиш лозимлигини томоша қилишингиз мумкин.

09 Декабрь 2019