Jomboylik aka-uka “Real Madrid” futbol klubiga chaqirildi

12:22 03 Iyul 2018 Sport
1048 0
Foto: Sohib Sayfullayev

Samarqand viloyati Jomboy tumanidagi O‘rtabo‘z mahallasida istiqomat qiluvchi Shuhratjon va Shohjahon Mamatov Ispaniyaning “Real Madrid” klubi xalqaro sport maktabiga chaqirildi, deb yozadi “Jomboy tongi” gazetasi.

Aka-ukalar mehnat faxriysi Ivan Kostrikin tashkil etgan tuman yoshlar futbol jamoasi tarkibida sport sirlarini o‘rganishmoqda. Jamoa yaqinda Bolgariyada o‘tkazilgan o‘smirlar o‘rtasidagi musobaqada o‘z mahoratini namoyish etishdi.

– Quvonarlisi, xalqaro musobaqada ishtirok etgan “Real Madrid” futbol klubi mutaxassislari jamoamizga alohida e’tibor qaratishdi, – deydi murabbiy I.Kostrikin. – Ayniqsa, Shuhratjon va Shohjahonning o‘ziga xos o‘yin uslubi e’tirof etildi. Musobaqa yakunida bu ikki yosh sportchilarimiz “Real Madrid” futbol klubi qoshidagi xalqaro sport maktabida o‘qishga taklif qilindi. Ayni kunlarda ularning safar hujjatlari tayyorlanmoqda


Izohlar

Hozircha hech kim fikr bildirmagan. Balki Siz birinchilardan bo'larsiz?