“Jarquduq – Dehqonobod” oraligʻida temir yoʻl vaqtincha toʻxtab qoldi. Yoʻlovchilar oʻz manzillariga avtobusda yetkazib qoʻyildi

16:52 02 Dekabr 2019 Jamiyat
67 0

Joriy yil 2-dekabr kuni “Jarquduq – Dehqonobod” temir yoʻl oraligʻida yuk poyezdi yuz bergan nosozlik tufayli toʻxtab qoldi. Bu esa "Toshkent – Termiz” hamda “Toshkent – Sariosiyo” poyezdlari harakat jadvaliga taʼsir etdi.

Yoʻlovchilarni oʻz manzillariga yetkazish borasida “Oʻzbekiston temir yoʻllari” AJ mutaxassislari tomonidan oʻz vaqtida chora koʻrildi. Jumladan, ularning barchasi avtobuslarda belgilangan joyga yetkazib qoʻyildi. Bu haqda “Oʻzbekiston temir yoʻllari” AJ maʼlum qildi.
Hozirgi vaqtga kelib poyezdlar qatnovi tiklandi.

“Oʻzbekiston temir yoʻllari” AJ bunday noqulaylik uchun yoʻlovchilardan uzr soʻragan.


Izohlar

Hozircha hech kim fikr bildirmagan. Balki Siz birinchilardan bo'larsiz?