Janubiy Koreyaning taniqli kompaniyasi ob-havoni aniqlash sohasida Oʻzbekiston bilan hamkorlik qiladi

09:54 09 Avgust 2019 Jamiyat
102 0

Illyustrativ foto

Yaqinda yurtimizga Koreya Respublikasining WeatherRia So., Ltd. konsalting kompaniyasi hamda KEITI Koreya ekologik industrial va texnologik instituti vakillari bilan hamkorlikdagi faoliyati doirasida xalqaro ekspertlar tashrif buyurdilar. Bu haqda Oʻzgidromet matbuot xizmati xabar berdi.

Tashrifning maqsadi “Oʻzbekistonda suv resurslari taʼminoti uchun qor qoplami sathini oʻlchashning koʻp nuqtali lazerli skanerlash usulini ishlab chiqish” loyihasini amalga oshirish doirasida amalga oshirilgan ishlarni muhokama qilish va yaqin kelajakda hamkorlik istiqbollarini belgilashdan iborat.

Xalqaro ekspertlar Oʻzbekistonga tashriflari doirasida Oʻzgidrometning rahbarlari va texnik mutaxassislari bilan uchrashdilar, loyihaning bajarilishini muhokamat qildilar.

Eslatib oʻtamiz, WeatherRia So., Ltd. Koreya meteorologik maʼmuriyati litsenziyasiga ega yagona kompaniya boʻlib, Koreya gidrometeorologik xizmatini modernizatsiyalash va takomillashtirishda faol ishtirok etadi. Kompaniya dunyoda birinchi qor qoplami sathini koʻp nuqtali avtomatik lazerli oʻlchagichni ishlab chiqdi. Oʻzgidromet 2018-yildan beri WeatherRia So., Ltd. konsalting kompaniyasi hamda KEITI bilan hamkorlikda kuzatuv tizimlarini modernizatsiyalash loyihasini amalga oshirib kelmoqda.

Shuningdek, tashrif doirasida mehmonlar markaz xodimlari bilan birgalikda Qamchiq va Chimyon qor koʻchki stansiyalariga bundan avval oʻrnatilgan oʻlchov tizimlarini tekshirish hamda yangi liniya oʻrnatish uchun chiqdilar.

Qor qoplami sathinining avtomatik oʻlchagichlari prognozlar sifatini oshirish, maʼlumotlarni yigʻish va uzatish tezkorligi, shuningdek, haqiqiy vaqt rejimida kuzatuvlar aniqligini yaxshilash imkonini beradi.


Izohlar

Hozircha hech kim fikr bildirmagan. Balki Siz birinchilardan bo'larsiz?