Yuksak hurmatdan behad mamnunmiz

10:24 11 May 2018 Jamiyat
400 0
Foto Xabar.uz

Xotira va Qadrlash kuni munosabati bilan poytaxtimizdagi Botanika bog‘ida bo‘lib o‘tgan bayram tantanalarida qatnashish baxti menga ham nasib etdi. Ochig‘ini aytaman, shu kunga qadar bunday hurmat ko‘rmagandik. Pul mukofotlari, Haj safari, o‘zimiz jang qilgan yurtlarga safar yoki Yalta hamda Sochida bir hamroh bilan dam olib kelish, tantanali samimiy marosim...

Buning hammasi, albatta, bizni behad quvontirib yubordi. Tantanada Prezidenti-mizning tabrigini tinglab, o‘sha suronli yillarda halok bo‘lgan safdoshlarim ko‘z o‘ngimda gavdalandi. Yurtboshimiz o‘z nutqida “keksalarimiz, mo‘’tabar otaxon va onaxonlarimizni rozi qilsak, butun xalqimiz, jamiyatimiz bizdan rozi bo‘ladi. Ularning tabarruk duolari — bu, avvalo, el-yurtimizning duosi, desak, har tomonlama to‘g‘ri bo‘ladi”, deb ta’kidlagani men va men kabi keksalik gashtini surayotgan insonlarga ko‘rsatilayotgan bemisl izzat-ikrom, deb bilaman.

Narimon ERKINOV,
Ikkinchi jahon urushi qatnashchisi.

Farg‘ona shahri
 


Izohlar

Hozircha hech kim fikr bildirmagan. Balki Siz birinchilardan bo'larsiz?