Vazirlik bitta varaqda 113 xato qilgan xodimlariga imlo lug‘ati sovg‘a qildi va ulardan diktant oldi

18:39 06 Iyul 2018 Jamiyat
704 0
Foto: Bandlik va mehnat munosabatlari vazirligi

Bandlik va mehnat munosabatlari vazirligi ommaviy axborot vositalarida tarqalgan soha xodimining bir varaqlik qarorda 113 ta imloviy xato qilgani haqida maqolaga munosabat bildirdi.

“...Bandlik va mehnat munosabatlari vazirligi quyidagilarni ma’lum qiladi:

1. Davlat mehnat huquq inspeksiyasi inspektorlari S.Quvvatov (Toshkent) va N.Norboyevga (Samarqand) “O‘zbek tilining kirill va lotin alifbolaridagi imlo lug‘ati” sovg‘a qilindi (2 dona).

2. Nomlari keltirilgan inspeksiya xodimlaridan “Qarorlar tuzish va xizmat hujjatlarini rasmiylashtirish” mavzusida nazorat diktanti olindi.

3. Inspeksiya xodimlariga bir oy muhlat berilib, muddat yakuniga ko‘ra ulardan o‘z ustida ishlaganligi, to‘g‘ri yozish va grammatikaga oid bilim darajalari oshganligini tekshirish uchun qayta nazorat diktanti olinadi”, deyiladi vazirlikning Facebook‘dagi sahifasida.


Izohlar

Hozircha hech kim fikr bildirmagan. Balki Siz birinchilardan bo'larsiz?