Vazir Sherzod Kudbiyev: “Hashar va majburiy mehnat oʻrtasidagi farqni aniq tushunib olish joiz”

09:39 05 Avgust 2019 Jamiyat
230 0

Arxiv foto

Oʻzbekiston Respublikasi Bandlik va mehnat munosabatlari vaziri Sherzod Kudbiyev hashar va majburiy mehnat oʻrtasidagi farqni tushuntirib berdi:

“Hashar xalqimizning qadimiy urf-odatlaridan hisoblanadi. Qoʻni-qoʻshni, qarindoshlar yoki bir mahalla ahlining uy qurish, bogʻ barpo etish yoki koʻcha-koʻyni tartibga solish uchun birlashish amaliyoti xalqimiz madaniyatining bir qismi sanaladi. Hashar – har doim bayram, oʻzaro koʻmaklashish, qiyinchiliklar qarshisida jipslashish va birgalikda ularni yengib oʻtishidir.

Lekin, masalan, erta tongdan shifoxona yoki maktab xodimlarini ularning roziligini soʻramasdan avtobusga solib, avtoyoʻllar boʻyidagi hududlarni supurishga olib ketish – bu hashar emas, balki majburiy mehnatdir. Undan ham yomoni bu kabi “hasharlar”da qatnanishdan bosh tortgani uchun xodimlarga nisbatan ishdan boʻshatish darajasigacha intizomiy choralar koʻrilishidir.

Hashar va majburiy mehnat oʻrtasidagi farqni aniq tushunib olish joiz. Hashar – oʻzaro ixtiyoriy koʻmaklashish va bayramdir. Majburiy mehnat – biror jazo qoʻllash tahdidi ostida ish bajarishdir”.


Izohlar

Hozircha hech kim fikr bildirmagan. Balki Siz birinchilardan bo'larsiz?