Foto: “Xalq soʻzi Online”

“Xalq soʻzi Online”. TemurEshboyev/Navoiy. Qizilqum sahrosining eng olis hududlaridan biri Uzunquduq ovulida “Obod qishloq” davlat dasturi doirasida oʻnta ijtimoiy soha obyektlari foydalanishga topshirildi.

Uchquduq tumanidagi Uzunquduq ovulida bor-yoʻgʻi yuz oila istiqomat qilishini inobatga olsak, bu qadar keng koʻlamdagi bunyodkorlik ishlari mamlakatimizning har bir goʻshasi ahli hayotiga bevosita daxldor ekanligi oydinlashadi. Shundan qishloq ahlining boshi osmonga yetdi.

Ovulda dastur ijrosi yuzasidan zamonaviy qishloq vrachlik punkti, fuqarolar yigʻini binosi, maktab uchun qoʻshimcha bino, maktabgacha taʼlim muassasasi, madaniyat uyi, bozor kabi ijtimoiy va maishiy inshootlarning qisqa fursatlarda barpo etilishi bilan birga markaziy koʻchaga tungi chiroqlar, estetik zavq beruvchi turli xil yoritish vositalari oʻrnatildi.