O‘zbekiston va Tojikiston birgalikda GES qurishni rejalashtirmoqda

17:27 17 Avgust 2018 Siyosat
703 0

O‘zbekiston va Tojikiston birgalikda GES qurishni rejalashtirmoqda. Bu haqda O‘zbekiston Respublikasi Prezidenti Shavkat Mirziyoyev va Tojikiston Prezidenti Imomali Rahmon ishtirokida jurnalistlar uchun tashkil qilingan brifing vaqtida ma’lum qilindi.

Unda ta’kidlanishicha, Zarafshon daryosining Tojikiston hududidagi qismida 320 megavattdan ortiq quvvatga ega bo‘lgan gidro elektr stansiyalar qurilishi rejalashtirilmoqda.

Bu obyektlar ikki davlat kompaniyalari tomonidan qurilishi mumkin.

Tojikiston Prezidenti O‘zbekiston Prezidentiga bu borada xalqaro tashkilotlar auditidan o‘tgan tayyor loyihalar mavjudligi haqida ma’lumot bergan.

Prezidentning ta’kidlashicha, O‘zbekiston va Tojikiston o‘rtasidagi hukumatlararo komissiya ushbu masalani ko‘rib chiqadi.

Imomali Rahmonning qayd etishicha, O‘zbekiston va Tojikiston ushbu stansiyalarda ishlab chiqarilgan elektr energiyasini o‘z iqtisodiyotini rivojlantirish uchun ishlatadi.

Shuningdek, O‘zbekiston Tojikistonning Sarez ko‘li ichimlik suvidan birgalikda foydalanishi mumkin.

“Men ko‘p minbarlarda, xalqaro davralarda, xususan BMTda ham ko‘p bor ta’kidlaganman: “Biz hech qachon qo‘shnilarimizni suvsiz qoldirmaymiz”. Aksincha, bugungi muzokaralar davomida qo‘shnilarimizni ichimlik suvi bilan ta’minlash maqsadida 17 km³ hajmdagi Sarez ko‘lining suvlaridan hamkorlikda foydalanish masalasini ko‘rib chiqish bo‘yicha topshiriqlar berdim”, degan Imomali Rahmon.


Izohlar

Hozircha hech kim fikr bildirmagan. Balki Siz birinchilardan bo'larsiz?


Ko‘p o‘qilganlar

Afisha

“Hayot” filmi endi teleekranlarda. U bayram kunlari MTRK telekanallari orqali efirga uzatiladi

Osmonga koʻtarilayotgan harbiy vertolyotlar, qiruvchi samolyotlardan olingan tasvirlar, jang maydonidagi qonli muhoraba, oh-vohlar, baqir-chaqirlar... Askar snayperlik vintovkasining durbini orqali dushmanning peshonasini moʻljallamoqda. U aynan qayerga oʻq uzmoqchi ekanini ziyrak boʻlmagan tomoshabin ham darrov ilgʻashi tayin: durbinning moʻljal belgisi ekranda koʻz oʻngingizda turadi.

12 Yanvar 2019