Fransiya politsiya uch oydan beri qidiruvda boʻlgan oʻta xavfli jinoyatchi Reduan Faidni qoʻlga oldi. U uch oy oldin sheriklarni yordami bilan vertolyotda qamoqxonadan qochib ketgan ketgan edi.

Politsiya Reduan Faid qoʻlga olish amaliyoti tafsilotlarini maʼlum qilmagan. Mahalliy OAV xabariga koʻra, u Fransiya shimolidagi Krey shahrida ushlangan. Reduan Faid bilan birga olti kishi, shu jumladan akasi va ikki jiyani ham qoʻlga olingan.

Politsiya Reduan Faid bu shaharda yashirinib yurganini oldinroq payqagan boʻlsa-da, uni qoʻlga tushirish uchun qulayroq imkoniyatni poylab turgan. Hibsga olish paytida oʻqotar qurollar ishlatilmagani aytilmoqda.

U shu yilning 1 iyul kuni Sena va Marna departamentida qochib ketgan edi. Reduin Faid 1972 yilda Krey shahrida tugʻilgan. 1990-yillarda u qurolli talonchilik bilan shugʻullangan hamda talonchilar toʻdasiga rahbarlik qilgan. Retsidivist jinoyatchi 25 yilga ozodlikdan mahrum etilgan.

Reduin Faid 2013 yilda ham Fransiyaning Lill shahridagi qamoqxonadan qochishga muvaffaq boʻlgan edi.