Mamlakatimizda mehmon boʻlib turgan Tojikiston Respublikasi parlamenti quyi palatasi Raisi Shukurjon Zuhurov boshchiligidagi delegatsiya aʼzolari poytaxtimizdagi Temuriy tarixi davlat muzeyiga tashrif buyurdi. Bu haqda quyi palata axborot xizmati xabar berdi.

Delegatsiya aʼzolariga Oʻzbekiston Respublikasi Oliy Majlisi Qonunchilik palatasi Spikeri Nurdinjon Ismoilov hamrohlik qildi.

Mehmonlar Temuriylar tarixi davlat muzeyi ekspozitsiyalarini koʻzdan kechirdi.

Delegatsiya aʼzolariga yurtimizda mustaqillik yillarida tariximizni va buyuk ajdodlarimiz nomini tiklash, xususan, Sohibqiron bobomiz Amir Temur shaxsiga qaratilayotgan ulkan ehtirom, buning yorqin namunasi sifatida bunyod etilgan mazkur muhtasham muzey haqida batafsil maʼlumot berildi.

Buyuk Sohibqiron Amir Temur bobomizning sarkardalik sanʼati, Vatanimiz tarixi xususida soʻzlovchi eksponatlar, osori-atiqalar delegatsiya aʼzolarida katta qiziqish uygʻotdi.