Toshkentda toʻqimachilik uskunalari va texnologiyalari koʻrgazmasi boʻlib oʻtmoqda

18:32 05 Sentyabr 2018 Jamiyat
152 0
Foto: Hasan Paydoyev / "Xalq so'zi"

Poytaxtimizdagi “Oʻzekspomarkaz” majmuasida “Toʻqimachilik uskunalari va texnologiyalari — CAITME — 2018” hamda “Tekstil va moda sanoati — UzTextileExpo — 2018” xalqaro koʻrgazmalari oʻz ishini boshladi. Koʻrgazmalarda Avstriya, AQSH, Belgiya, Buyuk Britaniya, Belarus Respublikasi, Latviya, Tojikiston, Turkiya, Xitoy, Shveysariya kabi davlatlardan 480 ga yaqin kompaniya va firmalar vakillari qatnashmoqda.

Taʼkidlash joizki, ushbu haftani yurtimizda toʻqimachilik sanoati uchun muhim voqealarga boy davr, deb bemalol aytishimiz mumkin. Chunki xalqaro koʻrgazmalar arafasida poytaxtimizda dunyoning 18 mamlakatidan 250 nafar soha mutaxassisalarini jamlagan toʻqimachilik boʻyicha ilk marotaba xalqaro konferensiya ham boʻlib oʻtdi. Uning ishtirokchilari toʻqimachilik klasterlarini rivojlantirish, tarmoqning dunyo miqyosidagi bugungi holati va istiqbollari, mahsulotlarni sertifikatlashtirish masalalari kabi bir qator yoʻnalishlarda boʻyicha fikr almashdilar.

Xalqaro tadbirlar Oʻzbekiston Respublikasi Tashqi savdo vazirligi, “Oʻztoʻqimachiliksanoat” uyushmasi, Savdo-sanoat palatasi, “Iteca Exhibitions” kompaniyasi bilan hamkorlikda oʻtkazilmoqda.

 

Suratlar muallifi: Hasan Paydoyev, “Xalq soʻzi”.


Izohlar

Hozircha hech kim fikr bildirmagan. Balki Siz birinchilardan bo'larsiz?