Toshkent viloyatida kichik sanoat zonalari kengaytiriladi

15:59 10 Avgust 2018 Iqtisodiyot
210 0
Illyustratsiya / “Xalq so‘zi”

Vazirlar Mahkamasining Toshkent viloyatida kichik sanoat zonalarini kengaytirish chora-tadbirlari to‘g‘risidagi qarori qabul qilindi. Bu haqida “Huquqiy axborot” kanali xabar berdi.

Qaror bilan davlat mulki bo‘lgan va davlat ulushi mavjud xo‘jalik yurituvchi jamiyatlarning foydalanilmayotgan obyektlari tegishli ro‘yxat bo‘yicha viloyat kichik sanoat zonalari tarkibiga kiritilishi belgilandi.

Eslatib o‘tamiz, Prezidentning 2017 yil 10 avgustdagi qarori (http://lex.uz/docs/3304219) asosida ushbu sanoat zonalari uchun 140 gektardan ziyod yer maydoni ajratilgan edi. Endilikda mazkur sanoat zonasi qo‘shimcha 67 gektardan ortiq yer maydoni ajratilishi natijasida yanada kengaytirildi.

Kichik sanoat zonalari ishtirokchilariga investitsiya loyihalarini amalga oshirish uchun yer uchastkalarini ajratib berish to‘g‘risidagi qarorlar Toshkent viloyati Erkin iqtisodiy zonalar va kichik sanoat zonalarining ma’muriy kengashi tomonidan qabul qilinadi.


Izohlar

Hozircha hech kim fikr bildirmagan. Balki Siz birinchilardan bo'larsiz?